隨住行貨PSV推出，的確帶旺Game舖不少買氣，灣仔東方188商場，就有Game舖連鎖店，索性關起其他細舖，集中人手喺主舖賣機，連黐保護貼都要預約！但最頭痛是配件問題，主機炒價仍維持$4,500包兩隻Games嘅階段，炒高幾百蚊當買新年禮物未為過，但機套Pack同記憶卡就真係斷晒，咁好彩搵到有貨，Game舖都話要連主機先肯賣。目前32GB記憶卡最好炒，由官價$888炒到$1,300，一樣賣清光，當然4GB、8GB亦一早被人掃晒，最慘係好多Games都要記憶卡先玩到，焗住幫襯。慶幸在某PartnerShop搵到4GB「齋卡」，原價交易，不過已係最後一張了。