台灣男歌手陳昇一直都為唔少歌手做製作,原來佢多年前為齊秦錄製《狼》專輯時,試過同齊秦起爭執,陳昇日前接受訪問時自爆當年齊秦覺得俾佢蝦,所以有晚齊秦提議如果真係睇對方唔順眼,不如去打場交,結果兩人喺後巷互毆,齊秦隻眼俾陳昇打咗拳,但因為齊秦手上戴住戒指,搞到陳昇臉被刮花、牙都被打崩,陳昇笑話:「之後還被製作人責備,指齊秦是偶像歌手,說我揍他幹嘛,實力派和偶像派真是不同命呢。」