今年26歲的阿儀（化名）毒齡12年，14歲就吸毒，索K、Fing頭、Five仔混合吸毒，毒癮隨年齡變得根深柢固，兩年前留家索K，每次「Free完」都追加，實行24小時在家中吸毒，她形容：「喺屋企食最安全」。禁毒處數據顯示，家中吸毒的比率近年急升。
一邊食飯一邊吸毒
根據禁毒資料顯示，21歲以下的吸毒者只在家或朋友家中吸毒的比例，由08年25.5%上升至去年36.1%，今年首三季的649宗個案中，更有41.5%在家中吸毒；21歲或以上的吸毒者，過去三年半數也留在家中吸毒。
小學時成績優異的阿儀，中一起在街流連，結識有吸毒習慣的朋友，開始其12年的吸毒生涯。13歲時到朋友家中吸毒，曾被媽媽懷疑，她引述媽媽說：「你個樣唔同晒，講嘢九唔搭八，仲以為你鬼上身。」14歲起在酒吧吸毒，事後向媽媽承認吸毒。
她更有「OD小姐」（過量服用毒品）的外號，每年聖誕節就大量吸毒。「我生日好近聖誕節，經常有Party，就食更多（毒品）。」她更認為在家中吸毒安全，兩年前起每天在家中吸毒，「係屋企隔兩、三分鐘就食一次，有時食半碗飯就走入廁所吸，出嚟再食埋嗰半碗。」
毒品已嚴重侵蝕阿儀的身體，消瘦至只餘80磅，五個月前因失禁情況嚴重，在媽媽支持下決心戒毒。《蘋果》記者