豬狼對泛民嘅特首選舉，宣傳方法悶到震，唔係派傳單就係「三幅被」嘅論壇，相反已經有普選嘅台灣，總統選舉真係創意無限。民進黨總統候選人蔡英文選擇「每日一女」幫手倒數宣傳；雖然個個女仔都係播錄音帶咁講住一句「2012，不再一樣！」但勝在個個女仔都年輕貌美，相當Kawaii，自然吸引到市民注意。
其實蔡英文年中已經搞咗「小英同學會」，今次以美女拍片助選，肯定係想吸引年輕一代支持，呢班女生全部來自同學會，清一色以甜美笑容同聲線拉票。所以話，一人一票選特首，選舉都唔同啲。
想睇台灣可愛女生點樣支持蔡英文，可以去到呢個網址： http://www.youtube.com/user/dpplove?feature=watch。