短短幾秒時間，奪去三名返鄉過聖誕的港人生命，家屬痛失摯愛，均感徬徨。部份家屬不滿當局無交代事件及阻撓記者採訪他們。
部份家屬昨晚會見記者，指出事後「等咗半個鐘頭都冇人嚟救」，強調：「我哋一定會追究到底！」死者陳賽玉的家屬稱，家屬至昨晚未知司機是誰，「佢哋（家人）點死，（當局）都冇交代」。家屬又指：「個車站好唔負責任，將我哋困喺間房度，驚死我哋畀記者訪問，記者訪問我哋，佢哋仲推開記者。」
車禍中死亡的港人陳賽玉（65歲）為家庭主婦，其69歲丈夫馬如禹行醫，但處於半退休狀態，育有四名子女，其中一女家住深圳。平安夜，夫婦兩人返汕尾過聖誕，度過甜蜜的旅程。逃過大難的姓馬事主意外後哭成淚人，激動地說：「好好哋，點解變成咁㗎！」他又說當時好混亂，被突如其來的情景嚇至腦袋一片空白。
另一名死亡港人曾昭琼（56歲）任職地盤工人，其53歲妻子鄧麗娥是印尼人，夫婦育有兩女一子，均已成年，一家居於屯門良景邨。曾昭琼家鄉是陸豐海城，早前88歲母親感不適，聖誕假期地盤停工於是返鄉一行。曾預算昨天返港準備今日開工，豈料與妻早上從汕尾坐旅巴返深圳即出事。鄧麗娥指出，她忍受喪夫之痛要四處奔波，然而她的證件簽證今日到期，希望當局通融讓她延長逗留。
一死者為準新郎
第三名遇難港人為45歲準新郎李惠民，據悉他準備近日結婚。其未婚妻為內地人，昨晚匆匆到場了解後傷心不已。
《蘋果》記者