問：我很煩惱……我今年22歲，做裝修木工，由於唔係好鍾意讀書，所以入咗呢行想學門手藝。我讀完書後做咗年幾，我幾鍾意㗎！5個月前我弄傷條腰，今個月中又再弄傷，返唔到工，啲積蓄拎晒去睇醫生，原本都對前景充滿希望，但家咁突如其來，我真係唔知點做好，真係好想知我應該點做呀？
答：工欲善其事，必先利其器。我們最重要又最利的器，當然就是我們自己，包括身體及精神健康。你一而再受傷，除了唔好彩，你自己亦應承擔部份責任。
你既然選擇了這個「容易受傷」的行業，首要是學職業安全。一旦出事，受傷固然慘，手停口停，要是還有家庭負擔就慘上加慘。
第一次一時大意，以後做事應更小心留神。你有修讀相關課程，經已比之前那些靠「撞板」自學的師傅幸福。你受的是工傷，即使工頭無良不肯承擔責任，你可向工聯會或相關政府部門尋求協助，不必收埋自己發愁。
只待傷患復原，即可重投工作。經一事，長一智，你經了兩事，長了何只一智？所以不能再繼續不小心。我明白工程時間很緊迫，都是在趕工與時間競賽，但快得來要夠仔細又要夠準才是專業。你必須抱着精益求精的態度做事，功力才會日益精進又精準，更加要有上進心，否則怎能成為大師傅？
經濟壓力誰沒有，所以更加應該努力發奮才有望解困！你還年輕，好應該增進知識，趁早多讀些設計或有關課程，即使學畫圖則也好，對你一定有幫助。千萬不要隨便放棄理想那麼儍！
張慧敏（COREsearchLtd）
mailto:[email protected]