陳慧琳（Kelly）懷胎五個月的「小龍包」認真好腳頭，母親闊別無綫兩年多以來，終於破冰任節目嘉賓。一向貪靚的Kelly昨日在尖沙嘴笑言陀B沒有了腰，更否認自己500萬安胎，不過為防孕婦爭位，已book定明年床位。
蝦餃媽陳慧琳現正懷第二胎男B小龍包五個多月，昨日她到尖沙嘴，錄影馮美基及曾華倩主持的無綫節目《May姐有約》。小龍包可算旺Kelly，這是她兩年多以來，首次亮相無綫，無綫更準備了蝦餃及小籠包以示歡迎。
500萬嚇壞老公
有傳Kelly會為無綫的華裔小姐競選任嘉賓，她說：「因為同電影首映撞咗期，應該要生完之後先再上。」至於黃偉文2月的作品演唱會，她說：「到時都七個月，要睇吓個肚有幾大。」
昨日所見，Kelly已見肚，她也笑說：「冇咗條腰。」早前有傳她以500萬安胎，她即笑說：「嚇親我老公，邊有500萬，都冇乜進補，補都係陀之前補，家都係食緊陀上一胎嘅餐單。」記者問她養B要花500萬，她說：「男仔唔使，着嚟着去都係幾件衫。」問到蝦餃仔是否知道將做大哥，Kelly說：「未，佢未知，我都好耐冇抱佢，佢好斯文，淨係望住我個樣。」
認為收費合理
來年多人生，如楊千嬅和朱麗倩等，Kelly透露已book定醫院床位，問到不少孕婦都透露醫院收費不合理，她說：「自己都驚冇位book定先，都係跟醫生，去番上次嗰間，其實病房收費可以接受，因為護士係24小時睇住。」
採訪、攝影：胡比