孕婦黃太明年五月將會誕下「龍仔」。她直言：「唔想生鼠、牛、蛇仔，如果今年唔成功懷孕，之後幾年都唔會生。」每逢龍年都會出現嬰兒潮，父母普遍認為龍仔龍女更聰明，參選行政長官的唐英年也曾強調自己是龍年出世。
學位競爭白熱化
親子教育專家劉可欣稱生肖是不會影響孩子智商，龍仔龍女升學反而要面對更大競爭，籲不要陷入「龍年迷思」。
劉可欣表示，香港父母都迷信龍仔龍女會份外出類拔萃，部份傳統的家長或長輩更認為龍是皇帝的化身，十分吉祥。但大家都趕在龍年添丁，令龍年的學童人數大增，學位競爭更白熱化，不利子女升學。香港父母「望子成龍」，對龍仔龍女要求更高。
劉可欣說：「每個細路都有特點，有資優學生可以學習七種語言，但唔係個個都可以。」她建議家長應先與子女溝通，其後安排課外活動，會有事半功倍的效果。「其實每年嘅嬰兒都有叻有唔叻，唔同生肖其實冇分別，反而教育小朋友更重要。」
《蘋果》記者