楊秀惠噚日喺大角嘴出席商場活動，佢同現場小朋友玩遊戲之餘，又跳草裙舞騷舞技娛賓。楊秀惠話今年聖誕節特別多慶祝活動，搞到佢不停食嘢，體重有增冇減，佢話過幾日仲要幫無綫J2台拍運動節目，搞到佢呢兩日要戒口禁食，平時唔多運動嘅楊秀惠話：「雖然我唔會跑步減肥，但係會趁年尾時裝清貨減價大肆shopping當運動。」