聖誕假期結束，唔少出外度假嘅市民同藝人都相繼返港，噚日喺機場就見到郭藹明推住一大架車嘅行李返港，見佢化咗淡妝，神采飛揚，但就唔見老公劉青雲。郭藹明話：「我喺上海返，今次係專登飛上去陪老公嘅。」原來青雲同梁朝偉、周迅合演嘅新戲《大魔術師》就快上映，幾位主角都喺內地宣傳。郭藹明親自上去陪老公過聖誕，真係廿四孝老婆。