明年經濟點走，好多人都想有答案，尤其樓市更加係全城焦點。好多人都覺得，發展商會有一手資料，對市場走勢會佔盡先機，咁百利保（617）首席營運官范統加入減磅行列，唔知又有冇啟示呢？
兩房則王租約滿
華華最近收到風，范統舊年睇中藍籌屋苑太古城，今年年頭用咗535萬銀買咗件星輝臺海星閣單位收租，個單位有成675平方呎，係出晒名嘅兩房則王，每個月收成1.85萬銀租。層樓租約啱啱完，范統索性賣咗個單位，最近有買家用628萬銀同佢接咗件貨，賬面賺93萬，略有斬獲。
范統喺地產界打滾多年，1987年已加入百利保，賣樓投地樣樣都有份，今次揸貨唔夠一年就沽，莫非睇淡後市？