香港啱啱度過27年嚟最凍嘅平安夜，原本都好有聖誕氣氛，不過我求大俠就好怕凍，梗係希望有熱情如火嘅靚女贈暖；好彩拜仁慕尼黑中場舒韋恩史迪加女友莎拉，同狼隊中場奧哈拉未婚妻丹妮爾萊特，齊齊以紅bra賀聖誕，當堂睇到球迷們熱血沸騰。
小豬女友除剩內衣
職業係模特兒嘅小豬女友莎拉，最近就幫一個男士香體產品拍攝廣告，仲由12月1日開始，每日都喺香體產品嘅官網上，發放一段新嘅宣傳短片；平安夜嗰段梗係同聖誕有關，只見23歲嘅莎拉原本穿上賀節嘅聖誕帽，同鮮紅色披肩，喺《JingleBells》音樂下，徐徐脫去披肩同聖誕帽，露出一套鮮紅色惹火內衣，擺出各種誘人姿勢。
小豬呢排因為鎖骨骨折，搞到歇冬後先有機會復出，不過我求大俠估計，如果小豬睇多啲莎拉短片，可以行氣活血，睇怕傷勢都復原更快。球迷想睇莎拉每日一show，就要瀏覽呢個網址： http://www.axe.de/excite/adventskalender_de.php
奧哈拉導彈未婚妻仲激
英格蘭方面，亦都有WAGs行性感賀聖誕；狼隊中場奧哈拉未婚妻丹妮爾萊特，曾經參選英國小姐，現任模特兒同電視台主持；奧哈拉同丹妮爾更計劃明年夏天就拉埋天窗。25歲嘅丹妮爾似乎想婚前終極性感一番，幫英國報紙拍攝一輯性感聖誕相；擁有32E導彈嘅丹妮爾，原本穿上粉紅色bra，已經令人噴血，其中一張佢仲索性「解圍」，只用雙手掩住兩點，真係少啲定力都唔多掂。
丹妮爾曾被選為英格蘭最靚WAGs，不過愛郎奧哈拉就唔算勁，由熱刺降格去踢狼隊，睇吓有未婚妻鼓勵下，周二作客阿仙奴又有冇突破性表現？