「羊仔」早排詐型話自己不受重視，打算同公仔箱約滿之後離開。雖然羊仔話公仔箱唔畀佢搵外快拍國產戲，令佢覺得好心灰意冷，但關仁聽聞另外仲有原因。話說羊仔一直好恨拍大製作，但偏偏事與願違。好似之前羊仔好想拍《驗證》，點知畀咗「腸腸」孭飛，之後「大貓」同公仔箱開新劇，羊仔以為自己同大貓合作過，今次實食冇黐牙，點知到頭來又係腸腸。到出年部《你連莊》又係腸腸孭飛。羊仔覺得次次人哋食五花腩，自己就餐餐豬頭骨，搞到好唔開心。尤其是《你連莊》係「假姐」手下開嘅劇集，假姐一向好錫羊仔，但都冇預佢，條氣咪更加唔順囉！
撰文：關仁