杜琪峯執導嘅新片《毒戰》，平安夜喺天津一間醫院正式開拍，呢場戲係講被通緝嘅大毒梟古天樂去醫院睇醫生時，俾禁毒總隊長孫紅雷認出，之後展開一輪追捕，結果古仔要由天台跳落地面逃走，雖然唔係好高，但古仔腳傷初癒，所以阿杜都叫工作人員放多啲墊褥喺地下，拍攝總算順利，而前日劇組就補辦開鏡禮，其他演員黃奕同高雲翔都有出席。