星光熠熠嘅會場中，八方竟然見到亞視前主播、家自己開公關公司嘅繆美詩（圖）現身。着得靚一靚嘅繆美詩原來佢唔係去飲，而係幫肥馬「睇場」，喺reception負責招呼八方同一班行家。繆美詩話今次係拍膊頭幫肥馬手，因為同肥馬係friend，點可以唔出手相助？
八方最奇怪嘅係，場內多次聽到肥馬叫繆美詩時，竟然將讀音為「妙」嘅繆字讀成「茂」；連人哋個名都讀錯，friend極有限喎！場內仲有另外一個好幫手，不時同繆美詩在場打點，就係孫公前新聞秘書Timothy。Timothy退休後都重出江湖幫手，肥馬面子真係大。