地產霸權橫行，貧富懸殊越嚟越嚴重，想冇仇富情緒都幾難。SCEH喺亞洲遊戲展期間訪問咗460個80後同90後，對來年嘅新年願望，結果大部份後生仔嘅共同願望就係分咗李超人嘅千億身家，比率有成58%，遠遠多過想一人一票普選特首嘅15%受訪者。家畢業生收入鬼咁奀，廢除強積金都穩佔第二位，有五成半人支持。其他願望包括有上車買樓（42%）、政府派多6,000（36%）同罷買超市（9.5%）等。
調查機構SCEH董事及總經理項明生話，貧富懸殊已經係香港核心問題，加上李超人係首富，講到分身家梗係有大食大，搵李超人嚟出氣啦。