【本報訊】梁日華像已故北韓國家領導人金正日一樣行蹤神秘，住教友的物業，駕教友車，每逢外出都戴假髮、口罩和太陽眼鏡，以防真面目曝光，出入有教友充任保鑣跟隨。
外出要戴假髮口罩
「佢試過凌晨兩點幾打電話叫醒班教友，話要即刻去佢屋企，護送佢買麥當勞食！」曾是梁日華心腹的前錫安教徒阿賢（化名）斥梁日華以奉獻教會為由，要求女教友充當保母，照顧其子起居飲食，男教友則隨時候命，「你仲要識向佢感恩，因為佢睇得起你！」
阿賢指梁日華名下沒有物業，住的天水圍嘉湖山莊住所是教友名下。他平時出入用的座駕是教友無條件借出。自外界多次抨擊錫安教是異端，梁外出會戴假髮、口罩和太陽眼鏡，出入有保鑣。
他更刻意選擇凌晨或大清早出外，「佢好鍾意晨早七點去南生圍放飛機，所以班教友凌晨五點幾，就要到教會租用嘅廠房，拎齊梳化、發電機、遙控飛機，畀佢坐喺梳化玩飛機。夏天時仲要準備埋冷氣機，畀佢露天嘆冷氣！」
除愛玩遙控飛機，梁也是電玩迷，尤其喜愛鐵拳格鬥遊戲，有教友發現遊戲中「黑芝麻」的格鬥角色髮型與梁相似，梁因此被教友稱為「麻麻」。記者多次在清晨時分到梁日華的住所和元朗廠房外等候，只見數輛載滿人的貨車和私家車，未見梁日華真身。