聽日就係聖誕節，黃長興噚日主持無綫為食台《新派煮意》嗰陣，話聖誕節搵錢最緊要，所以佢打算喺自己間法國餐廳過節，當然啦，長興家要儲老婆本，佢出年7月會喺法國迎娶女友Peggy，2013年3月再喺香港補擺喜酒，大約二、三十圍。講到計劃生BB，長興話女朋友唔想大住個肚擺喜酒，所以最快出年12月實行造人大計。