所謂人不風流枉少年，NBA球星又有錢又有名氣，要搵女伴真係易如反掌；近期陷入離婚醜聞嘅湖人後衞拜恩，被美國網站爆踢性伴侶多達105人，堪稱新一代NBA「啫神」。
我求大俠對90年代嘅港產片《風塵三俠》念念不忘，扮演大情人嘅梁家輝就話非常崇拜「大猩猩」中鋒伊榮，因為佢曾經同兩萬位女性發生關係，仲奉伊榮係「啫神」；不過現實生活中，NBA「啫神」係無敵中鋒張伯倫，佢喺自傳中自爆曾同超過兩萬位女性有染，15歲已破處，最厲害試過一晚大戰10女。
網站爆每年逾10段婚外情
張伯倫已經仙遊，而已經退休嘅魔術手莊遜，曾經自爆每年同3至5百名女性有染，仲會同不同膚色嘅人發生關係，之後搞到患上愛滋病。家嘅湖人天王拜恩，亦唔比兩位前輩遜色，隨時有力挑戰新一代NBA「啫神」地位；美國「terezowens」網站就爆料，指同拜恩搞緊離婚嘅雲妮莎估計，拜恩每年有超過10段婚外情，而且分佈每個有NBA球隊嘅城市，等拜恩每次作客打完比賽之後都有着落；故10年多結婚生涯，同拜恩發生關係起碼有105人。
網站仲指出，105人已經係拜恩頗為固定嘅性伴，如果只得一、兩次關係就完結，恐怕達數百人，其中NBA啦啦隊就係拜恩覓食熱點，除咗出名靚女多嘅湖人啦啦隊，其他球會啦啦隊都可能同拜恩有一手。
老婆搭上墨西哥拳手
不過拜恩風流代價認真大；據報雲妮莎之前已經搵私家偵探，影低晒拜恩出軌嘅相片，上到法庭勝算在握。保守估計分到拜恩1.8億美元（約14億港元）身家，雲妮莎成為億萬富婆，當然亦不愁寂寞，有報道指佢已經搭上墨西哥籍拳手VictorOrtiz，咁好打，就唔怕拜恩報復啦！