【本報訊】仔妹夜蒲劈酒吸毒已成趨勢，香港遊樂場協會外展社工李穎兒稱，有部份樓上吧確會招攬一些未成年男女協助招生意，「主要係靠佢哋個朋友網絡去『搭上搭』，始終個客源都係青少年。」她坦言這類情況普遍，而青少年流連這些夜場，面對更多危機，例如毒品、盜竊、甚至性罪行。
須認清潛在危機
李說，樓上吧吸引青少年的原因未必與酒精有關，「呢啲bar唔賣酒都一樣可以吸引佢哋（青少年）嚟，原因係入面嘅氣氛同disco差唔多。」她說，警方行動能對平日較少夜蒲的年輕人起阻嚇作用，「好多年輕人都係貪新鮮或者好奇，或者只係諗住同班朋友玩，好多都唔了解呢啲場所會有問題或者有罪行發生緊」。她建議青少年選擇娛樂場所時不應只因朋輩壓力作決定，「要有意識認清楚呢啲場所嘅潛在危機，喺面對罪行嘅時候亦要有自制能力。」