金鍀：「巨無霸」奧尼爾、「中國巨龍」姚明都已經退休，睇怕綽號「超人」嘅魔術中鋒懷特侯活，都係當今最勁中鋒啦？
利司基：我細細個就睇火箭傳奇中鋒奧拉祖雲打波，同佢比，侯活只不過係一件空有肌肉嘅蛋散。
牽牛：講勁，點可以唔提當年4大中鋒，當時我受牛華影響，用幾嚿水買咗對伊榮牌籃球鞋㖭！
仙道彬：牛哥你都幾有品味，當年大衞羅賓遜、奧拉祖雲、伊榮同奧尼爾，加上莫湯保、莫寧，真係中鋒盛世！
金鍀：講起綽號「大猩猩」嘅伊榮，同我最喜愛嘅奧拉祖雲，懷特侯活又真係唔夠班；但佢防守力驚人，話晒贏過3屆最佳防守球員，唔係一文不值㗎！
牽牛：當年仲有「得中鋒，得天下」嘅金句，但自從加咗個進攻保護圈，中鋒地位真係大不如前。
金鍀：同埋中鋒偏向咗力量型，技術型中鋒反而買少見少，好多球員得個高字；雖然跳得高，但係做中鋒如果基本功唔掂，一落場就露底喇，你睇灰熊嘅榜眼泰亞拔，絕對唔掂！
利司基：家睇波，見控衞用奧拉祖雲嘅超必「DreamShake」仲多過中鋒用，真係撞鬼。
仙道彬：其實奧拉祖雲同伊榮都有過幾招畀「超人」，點解佢硬係學唔識？
金鍀：佢實在太生硬，「DreamShake」絕對唔得，但佢有話過教練史坦雲根迪唔畀球隊開火權佢，所以佢唔敢射太多！
利司基：雲根迪嘅魔術淨係識射3分，侯活要更大嘅發展空間，一定要走。
仙道彬：去湖人啦，話晒湖人一向睇重中鋒，由麥肯到渣巴到奧尼爾，永遠都有超級中鋒。
金鍀：湖人係MikeBrown做教練，佢成日淨係識得奉承球星，但湖人要侯活，魔術實獅子開大口，到時湖人面目全非，得佢一個點打晒內線？
牽牛：懷特侯活成日想做埋明星，去洛杉磯啱晒佢！
利司基：但係湖人有拜林，侯活去到會撞位喎。
金鍀：懷特侯活??家暫時轉唔成會，今季就睇佢造