模何佩瑜（Jeana）雖然緋聞多多，但全部都不是真命天子，自嘲感情dry爆的她已擔心普天同慶的聖誕要做獨孤精。Jeana自爆去年聖誕夜變身倒奶睡衣女郎誘男友，今年聖誕氣溫急降卻孤枕難眠，只得抱實愛犬在被窩取暖。寂寞的Jeana日前在內地登台慘遭怪手摸pat，禍不單行。
出道至今緋聞和身材同樣惹火的模Jeana，群蜂亂舞，以為她今年聖誕收禮物收到手軟，但她卻表示事與願違，感情沒着落，又怕佳節孤伶伶，打算抱實愛犬芝芝和同樣冇拖拍的同居好友韋彤相伴過節。
Jeana日前帶同愛犬芝芝拋胸倒奶拍攝聖誕相，兩母女盛裝打扮，她向着穿上綠色恐龍裝的小狗訴心曲。Jeana更忽然眼紅紅，原來每逢佳節倍思「仔」，她回憶起去年聖誕有男友陪伴時說：「記得舊年聖誕我換上性感睡衣，頭綁蝴蝶結，將自己變為禮物送畀男朋友，但佢就嫌我馬虎，冇化個靚妝，不過對於我嘅心思，佢都好受。」
愛犬芝芝甚懂性，主動親吻dry爆的主人Jeana，她感動說：「如果今年聖誕真係冇人約，我就返屋企同韋韋食大餐，再孖埋芝芝三個大被同眠。」
內地慘被摸臀
Jeana沒拖拍只好寄情工作，她早前在內地一個夜場捽碟，離開時被怪手摸臀，她無奈說：「同事護住我個胸，忽略咗後面，有隻怪手忽然伸出嚟摸我patpat，我捉實佢係咁叫，酒吧人員立即捉咗佢走。」
採訪：比華利
攝影：葉君海
場地：荷里活廣場