Twins和爆E超蓮Iris及Monna昨日分別到灣仔出席亞洲遊戲展活動，擔任遊戲展大使的Twins在台上被玩，蔡卓妍（阿Sa）跟陳偉霆的戀情被擺上枱，並叫她早日生個小舞王，令到阿Sa尷尬至極；及後又為鍾欣桐（阿嬌）準備了一名貌似李準基的男生，並提議她將對方帶回家，令阿嬌O嘴。
事後阿Sa埋怨不愛戀情被利用：「成日都會俾人咁拎嚟講，但真係好尷尬，講吓ok，但唔想成日咁提住，我哋只係正常情侶。」阿嬌亦說：「我仲尷尬，叫我帶個男仔返屋企！阿媽會鬧帶個陌生人返嚟，佢都唔似李準基！」
另外，以谷胸cosplay裝出現的Iris和Monna吸引大批龍友聞風而至，雖然焦點落在咪咪上，但Iris坦言早已習慣，又說：「只要佢哋鍾意點影都得。」
採訪：譚倩宜
攝影：黃文偉
