浮生半日閒，買餸回家「撚兩味」，是人生一樂。
一邊逛街市，一邊盤算當日的菜單，是樂趣的重要部份。豬肉檔上掛着的柳脢、瘦肉、五花腩、西施骨的賣相，遠勝超級市場裏用保鮮紙包在發泡膠上的。那一塊收藏在肉下面染滿血迹的吸水紙，想起已令人惡心。檔主的一句「靚仔，今日食乜呀？」也遠比便利店收銀員頭也不抬機械式的「歡迎光臨……加三蚊有包香口珠」來得親切。
豬尾骨煲清補凉，最夠鄉土氣息。清補凉要買藥材舖的，超市預先包裝的質量沒保證。湯要老火，要盡早落鍋。
北風呼呼，最令心頭溫暖的，莫如臘味煲仔飯。煲臘味飯一定要用舊的瓦煲。洗好米，一隻臘鴨髀，半條臘腸，半條膶腸，再加一小塊肥臘肉一起煲。飯滾立刻把火收到最小。飯未熟已香氣四溢。記得收火前要再稍稍加大火，把飯焦烘香。
薑汁炒芥蘭，用從臘鴨髀削下來的膏油來炒。炒素菜用葷油，炒葷菜用素油，袁子才在《隨園食單》中早有明訓。先用慢火將鴨皮下的膏油榨出，待鴨皮變成脆脆的一塊時加大火燒紅鑊下芥蘭。薑汁要多，再加小量糖。關鍵是在起菜前要灒點孖蒸。
今天檔主替我選的豬尾骨較大塊，可以削點肉下來弄豆芽炒肉鬆。大豆芽菜先用白鑊焙乾。豬肉加薑汁燒酒一起剁好，再加生油拌勻，炒起來才會鬆。以薑絲、蒜茸、指天椒起鑊，快手亂鏟炒散肉鬆，加大豆芽兜亂即可上碟。香氣滿屋，是飯熟餸到的時候了！
我素不喜甜品。晚飯近尾聲時泡一壺陳年普洱，用來發瓦罉底臘味煲仔飯烘得焦香的飯焦。臘味香、飯焦香、茶香，碗面浮起幾丁點臘味的油星，真不知人間何世！
鍾尚志教授