敖嘉年近年事業有起色，雖然曾與兩位人妻梁靖琪和江美儀傳過緋聞，但無損他與拍拖11年的圈外女友感情，前晚二人被發現穿上情侶裝到銅鑼灣超市入貨，事後被追問婚期？嘉年爆響口說︰「明年睇吓邊個月得閒啦。」看來娛樂圈又多一單喜事。
現年39歲的敖嘉年一直保護圈外女友，為免女友身份曝光，絕少向外人透露。據知嘉年女友十分叻女，是前美聯社記者，現為一間workshop的老闆，在男友事業低潮時仍不離不棄撐住他。近年嘉年憑《巾幗梟雄》系列的敗家仔和排骨仔，令事業略見起色，終由大茄跳升為二線小生，但隨即惹上不少緋聞，先後與兩位人妻梁靖琪和江美儀傳緋聞。為向女友派定心丸，近年已逐漸將地下情浮面。
着情侶裝
前日五時半，嘉年與女友在銅鑼灣時代廣場的CitySuper超市行街，戴上賊仔帽的嘉年與女友同穿黑色外套，為怕被途人認出，二人全程沒有親暱動作，而嘉年亦盡顯男士風度，負責拿購物籃買醬油，而女友則到凍肉櫃買雞肉及火腿，可能是趁聖誕節將至，自製一頓豐富聖誕大餐。嘉年為免女友等得太久，先行到收銀處排隊，而女友就繼續「血拼」，最後才攝位畀錢埋單。
外地結婚
兩人買完餸乘扶手電梯到上層，女友突然「鼓埋泡腮」向男友撒嬌，嘉年則耐心聽女友說話，完全沒駁嘴。他們行到禮頓中心取車時終放下防線，女友一邊行一邊輕掃男友背脊，場面溫馨。
據悉嘉年和女友早在北角共赴同居，昨日被追問有傳二人於今年底會到外地結婚？嘉年在電話中開懷笑說：「冇時間啦！啱啱先拍完《造王者》，預計過咗農曆新年後先開工。我哋拍拖咁多年，感情都好穩定，睇吓邊個月份得閒啦！」嘉年直言女友和家人都希望婚事低調，故預備往外地行禮兼註冊，他說︰「我哋都唔想鋪張，總之唔會喺亞洲地區結婚，生仔？搞咗結婚先啦！」
採訪、攝影：
李志明