藍奕邦今年8月成功舉行三場處男演唱會，下周五（30日）他將於九展舉行「又燦爛又糜爛之夜演唱會」Part2，上次姣玩男上女下辣身舞，今次他更姣穿女裝高踭鞋，他強調並非挑戰張國榮（哥哥），他說：「哥哥永遠係哥哥，藍奕邦唔會係哥哥！」
藍奕邦形容今次演唱會Part2得來不易，他在8月的個唱為求突破，完全擺脫怕醜男形象，搖身變成狂野之邦，大玩妖冶迷幻，穿黑色長裙配銀色leggings，又搽白色指甲油，跟女舞蹈員玩男上女下。
穿裙搽指甲油
下周五舉行的Part2演唱會，阿邦繼續玩妖，繼續穿裙搽指甲油，但今次更姣，會穿女裝高踭鞋，他說：「聽聞有兩對高踭鞋。」問他的高踭鞋有多高？是否斗零踭？他故作神秘說：「唔……係一個謎！因為我對腳好大，着10號鞋，香港買唔到咁大size嘅高踭鞋，要由外國運返嚟。」
當年一代巨星張國榮在演唱會穿高跟鞋場面經典，阿邦是否要挑戰哥哥？他立即收歛笑容說：「哥哥唔能夠挑戰嘅！哥哥只可以係偷師對象，哥哥永遠係哥哥，藍奕邦唔會係哥哥。」
健身練老鼠仔
為了Part2演唱會，阿邦月前已開始努力健身，搵健身教練Ryan單對單狂操，希望妖中帶Man，穿高跟鞋之餘又露壯臂，他自豪說：「由細到大瘦蜢蜢，好抗拒露手臂，但Ryan幫我操咗一輪之後，哈，真係操到老鼠。」他發覺健身好多好處，操出肌肉又有線條，最重要玩健身後體能比以前更好，他開心說：「我家好有信心喺演唱會跳舞㗎！」
採訪：陳玉琼
攝影：陳志嵐
場地提供：ryanleefitness
