育有三子的香港大學矯形及創傷外科副教授葉永玉（圖）憶述，22年前誕下長子時，曾在家庭與事業中掙扎，坦言指當時若未能兼顧家庭的好媽媽、好妻子的角色，會放棄工時較長的外科訓練，轉往其他如家庭醫學專科，以便兼顧家庭。
應容許女醫生做兼職
葉永玉接受訪問時表示，以港大醫學院為例，現時男女醫科生各佔一半，「男女醫科生都有叻同有唔叻嘅學生，大家係學習方面都冇乜分別，但實際上，工時較長、多手作、體力要求較高嘅專科，例如要做手術嘅外科，就會係男醫生較多，女醫生較少」，女醫生較多選擇內科、兒科及婦科等相對工時較穩定的專科。她指出，女醫生生育後，雖然傭人或家人可以協助照顧子女，但懷孕及哺乳則無法假手於人，故醫院應考慮提供彈性措施，例如容許女醫生做兼職等。
她寄語現時育有兒女的女醫生，「有冇足夠時間相處係一個問題，其實quality（質素）唔可以忽略，同仔女有足夠嘅溝通好重要」。
《蘋果》記者