霍英東死後，家族爆爭產案兄弟對簿公堂。賭王何鴻燊幾房今年都爆出爭產案，三太陳婉珍昨日出席護苗基金活動再被問爭產，尷尬避談。同場蕭芳芳歡迎陳浩民捐錢給護苗，但原來至今善款未收到，連聯絡都沒有，似乎補鑊行動只是齋講。
賭王三姨太陳婉珍10年前開始捐助蕭芳芳成立的護苗基金，幫助推廣未成年少女免被性侵犯。三太和蕭芳芳昨日在石硤尾宣傳，蕭芳芳透露三太捐錢更任免費導師：「好有心，好感動，因為捐完錢仲成日問我幾時到期，幾時要過數，仲有份訓練啲教育主任，如果小朋友受傷、暈咗，可以點樣處理，佢有專業（護士）知識。」
查詢聯絡都欠奉
陳浩民早前狼吻陳嘉桓，其後補鑊表示捐錢給護苗以示悔改，蕭芳芳說：「我哋好歡迎任何有愛心嘅人捐錢，以下嘅係講笑，因為好多呢啲case都冇報案，報咗案嘅只係好少數，如果唔報案嘅都捐錢，就發達囉，好開心陳生帶頭捐錢。」不過，蕭芳芳開心過早，記者查詢護苗方面，她們表示仍未收到陳浩民捐款，更表示陳浩民連聯絡都沒有，似乎只是開空頭支票。
三太表示昨日做冬會留在屋企吃飯，更有活雞吃：「屋企自己煮飯，都係啲燒肉之類，幫我煮飯嗰個話喺元朗買到一隻新鮮雞喎，不過超蓮、超雲都唔喺香港，得個仔。」
三太聞爭產尷尬
霍英東死後幾年，近日才爆出爭產，長房同門兄弟對簿公堂，三太表示有聽聞霍家爭產，問她可擔心將來何家都會再爭產？她即尷尬說：「不如講番護苗嘅嘢啦。」身邊的蕭芳芳即代為擋駕，保護捐助人。
採訪：盧妹 攝影：陳慧安