夕陽政府，高官大事勿用，財爺曾俊華、律政司司長王仁龍、食衞局局長周一嶽、政制局局長譚志源，同埋商務及經濟發展局局長蘇錦樑，今日起放假至元旦後先返工，其餘局長就只係放幾日公眾假期。
八方打聽到譚志源會去澳門，短途旅行鬆一鬆，其他放大假嘅司局長多數留港，不過亦有例外，鬍鬚曾今次放假並非休息去玩，而係要閉關寫任內最後一份財政預算案。
八方希望鬍鬚曾趁假期落區體察民情，唔好再閉門造車，重蹈今年嗰份被指為史上最爛嘅預算案覆轍。
至於特首煲呔，聖誕節要上京述職面聖，冇假放，據說特首辦中人都十分無奈，但上面阿爺係冇聖誕節假期呢回事嘅，所以呢個假期泡湯了。特區第二把交椅林D9署任特首，大節當前留守香港。