半年來掛着大肚子生活的風風，目前在瑪麗醫院與死神搏鬥。長躺病床的他身上掛滿儀器電線藥喉，每天要注射60餘支藥物，成人也吃不消，何況是未足歲的嬰孩。
姐姐隔空唱歌打氣
虞先生卻自有法寶：「每當佢唔舒服唔開心，我一播呢個就冇問題。」說罷拿出iPad放在風風眼前，屏幕出現一個小女孩：「細佬，你要快啲好番呀，一齊再去迪士尼！我唱歌同你打氣啦！」在姐姐的歌聲中，風風小手在半空亂晃，呀呀的和應着，虞嘴角泛起難得一見的笑意，在愛兒耳邊呢喃：「係呀，風風好叻㗎，快啲好番，我哋一家人開開心心過聖誕好唔好？」
不單風風，虞先生半年來以醫院為家，起居飲食都在病房，吃病人餐，睡摺床，每晚待至凌晨風風入睡後方可稍作休息，至清早風風醒來，他又要忙着餵奶餵藥：「佢咁唔舒服，瞓得好差好少。我就慣晒啦……」話到一半，風風的心跳監測器響起警號，虞急速跑到風風身旁，醫生護士聞聲亦趕進來為風風搶救。
一小時後，虞才放下心頭大石，走出病房：「好在冇事，近幾日經常係咁，基本上都唔瞓望實個mon（心跳監測屏）！」妻子每周約一至兩晚會來「接班」，他才能返家及探望女兒：「我幾日先返到屋企一次，細佬唔見咗半年，囡囡好掛住我。我有同佢講發生咗咩事，佢比我想像中懂事，仲諗方法幫細佬打氣。」他拖着疲憊身心回家。已決心捨身救子的他，盼能再抱着愛兒回家。《蘋果》記者