許冠文昨在中環接受高志森主持的亞視節目訪問，高志森稱會邀請兩位特首候選人出席節目，問其節目會否請許冠傑？許冠文在旁笑說：「或者試吓叫許冠英。」明年2月許冠文搞棟篤笑，四月則到許冠傑開個唱，他們計劃讓許冠英重現舞台，他說：「你哋睇我台上表演好似好掂，其實靠細佬喺後台支持。今次係第一年三兄弟唔一齊，或者做阿英個影。如果散場假嘅阿英唔見，係真嘅出現，呢個會係好好嘅鬼古。」
許冠文自言會在棟篤笑加插講許冠英的環節：「佢鍾意我講佢，每次講佢，佢就喺後台笑。做大佬永遠覺得對唔住細佬，所以對住鍾意嘅人，要在生時對佢哋好。」另外，電影資料館下月將推出「懷念許冠英」活動，於資料館電影院播放許冠英演出的電影如《摩登保鑣》及《猛鬼差館》等。
採訪、攝影：王連連