網隊大前鋒咸菲利斯（左）同女星卡戴珊（右）結完即離婚後，一直都冇乜好日子過。星期三季前賽作客紐約人第2節一上陣，一掂到個波就畀主場球迷噓到佢頭暈；第4節冇出場，紐約迷仲不停嗌咸菲利斯落場。紐約人球迷柴台功夫出名勁，咸菲利斯俾卡戴珊飛完又俾人噓，仲要做埋紐約乞人憎榜No.1，勁過占士，算佢唔好彩。