葉德嫻今年可謂大豐收，憑電影《桃姐》奪得多個國際影后獎項，令她低調的生活泛起漣漪，日前她應邀錄影無綫節目，找來許志安陪行山。葉德嫻謂安仔跟她最合拍，二人感情深厚，她更曾追問安仔婚期。
葉德嫻（Deanie）今年憑電影《桃姐》一口氣成為威尼斯、金馬及愛沙尼亞影后，可謂大豐收，日前應無綫邀請錄影節目《我的2011》，又請了好拍檔許志安行山講健康之道，Deanie姐謂許志安是跟她最合拍的歌手，還有譚耀文是劉德華以外，跟她最有母子情感覺的拍檔。
感激港人支持
談到今年豐收，Deanie姐有特別感受，她笑說：「以前人哋見到我可能唔認得，或者只係細細聲講我，家見到認得就好開心，恭喜我，多謝我為香港人爭光，我發覺原來香港人好開心，當我攞獎係佢哋一件喜事。」問到可有令她生活起變化，變得不方便？Deanie姐笑言：「唔方便係我唔識得招呼人，尤其陌生人，啲人叫我影合照，我怕招呼唔到啫。試過我喺茶餐廳食早餐，突然多咗人嚟簽名合照，怕招呼唔到，又怕影響人做生意，惟有攞出外面食。」
《桃姐》帶出老人及健康問題，Deanie姐坦言希望多拍社會問題電影，引起香港政府了解民生，最近在嚴選劇本的她，希望下次可拍有關安樂死話題的電影。
互相信任啱傾
此外，安仔跟Deanie姐合作成好友，雖不常見面，但安仔時刻都將前輩記掛在心，他說：「平時行開見到啱嘅嘢就會買畀佢，佢叫我『AH』，我叫佢『癲得』，甚至想起佢時會WhatsApp問候吓，佢係個好嘅聆聽者，我好信任佢。」Deanie姐有問你何時結婚嗎？安仔笑笑說：「有，但我冇答，佢話開心就得。」
採訪、攝影：羅美倫