【本報訊】司機涉藉口叫中五女生幫忙修車誘騙性交一案續審，事主接受盤問，承認與司機性交前，對方要求她「想像下做我情人五分鐘」，然後以1,000元做餌，叫她幫他手淫「釋放有毒物質」及進行「假性交」，怎料最後真做愛。事主承認1,000元是「排毒」費，並非修車報酬。 記者：陳美珊
事主（17歲）作供時重申，與被告黃嘉奇（36歲）性交屬「冇得揀」，因被告最初表明修車只需一、兩分鐘，怎料「搞咗幾個鐘」。她擘髀、脫內褲塞收音機氣孔，最終脫至一絲不掛，以為完事便可返家，但奈何車窗突然上鎖與被告困獸鬥。
割盲腸腳痹不能揸車
其間被告狡辯：「之前做盲腸手術，家谷住對腳痹晒揸唔到車，要揸車就要放毒，否則返唔到屋企。」跟着叫事主幫他手淫「排毒」。但事主不肯，跟被告說：「你搵水樽自己搞掂，我唔想掂到你，你自己放毒。」被告卻稱：「唔得，得就唔使搵你。」
事主指她最初只想幫被告修車，從沒主動要求報酬，遂向被告說：「不如畀我走，我唔要錢嘞。」但被告說車門已鎖，一定要假性交才能解決困局。由於事主心急回家，遂遵從被告要求。
事主指她真心相信塞內褲、「排毒」及「假性交」等方法可以修車及令車門解鎖。事主說：「其實我信佢，因為我唔識修車，一啲修車知識都冇，冇諗過佢（被告）想做咩。」她曾嘗試逃走及大叫救命，又試過大力拍打車門，但被告恐嚇她：「唔好嗌，俾人見到你冇着衫咪仲死。」她又曾企圖㩒掣開門，但被告警告她：「你唔好亂㩒，咁會成世困響入面。」加上她怕被告會以暴力對待她，故乖乖就範。控辯雙方已經舉證完畢，被告選擇不作供，明日雙方作結案陳詞。
案件編號：DCCC974/11