吳卓羲女友張馨予憑樣靚身材正喺內地吃香，又搞到吳唱K神魂顛倒，就算潛入咗佢微博擺自己張床照上去，唱K依然錫佢唔多鬧，仲被爆時刻check住唱K行蹤。
二千蚊過夜
不過呢啲耍花槍情況遲啲唔知會唔會有變，因為噚日有內地網站擺咗兩張聲稱係張馨予嘅舊相，話有網友爆料係張馨予之前喺杭州一間叫「金碧輝煌」嘅夜店做小姐時影嘅，其中一張相仲係陪緊一個男客人㖭，網友仲話去過無錫蒲吧嘅人實識得佢，話2,000銀可以包過夜㖭。
馮仁昭即刻打電話畀馨予問吓係咪真，佢話：「我有看過網上新聞，那是我，但我不可能在夜總會當公關小姐，我未入行前只去過杭州一次，那次跟家人一起去，我沒錢也不會當公關小姐！」
離奇現床照
至於相中同佢玩得幾親密嘅男仔，張馨予解釋：「那是我一、兩年前與朋友在KTV拍的，近日頻頻被人拿舊照片出來炒作，很生氣！」
不過最神奇嘅係，另一張相，張馨予嘅背景係張床，究竟喺邊度影嘅呢？吳唱K今次又會點諗呢？