梁錦松與前跳水皇后妻子伏明霞昨晚到灣仔，支持福音戒毒籌款活動，二人罕有地帶同現年八歲的大女司渝及兩名兒子現身。小司渝樣子精靈，與母親同一餅印，但口才如父親，不時搶白，問到她是否喜歡扮靚，更直認不諱。
林建岳前妻謝玲玲與玩具大王蔡志明太太李惠莉，昨晚在灣仔會展攜手為香港晨曦會舉辦慈善晚宴，不少名人一家現身支持，包括梁錦松及許冠文一家，梁錦松更少有地與太太伏明霞帶同大女梁司渝及兩名兒子現身。
最想要女仔玩具
梁錦松與八歲的小司渝留下來接受訪問，樣子與母親如餅印的小司渝更不時作主講般，踢爆一家將到新加坡慶祝聖誕。問小司渝想收甚麼禮物，梁錦松即笑言：「屋企成棵聖誕樹都係佢禮物。」小司渝在旁即說：「同媽咪一齊裝飾聖誕樹，係金銀色，自己好想收啲新款嘅女仔玩具。」問到她是否喜歡扮靚，她直認不諱：「係，成日同媽咪一齊扮靚。」
許冠文寸周局長
此外，許冠文將會表演棟篤笑，他笑說：「唔會唱歌啦，冇周局長咁有歌喉。」談到已逝世的許冠英，他說：「Sam（許冠傑）係最傷感，佢心情好番啲，除夕都想搞番屋企活動，阿Sam一路冇出聲，出年佢開concert，第一次唔可以齊人表演，不過始終有第一次，可能下次冇我喺度。」問到胞弟骨灰事宜，他表示：「申請緊，OK嘅話，會同媽咪一齊葬喺海。」
採訪：盧妹 攝影：陳俊強