周杰倫今次真係名正言順做周董，因為佢入股成為一間網上平台公司嘅老闆之一，噚日仲專程嚟香港出席公司喺灣仔會展搞嘅活動，周董介紹呢個網上平台除咗有佢啲片段同物品拍賣，嚟緊佢仲會設計一啲衫同產品喺網上公開發售，佢仲話：「其實我真的很喜歡購物，但是平時逛街都會有狗仔隊，現在在網上可以買東西，一舉兩得。」