古天樂、陳茵媺及呂慧儀夫婿黃文迪昨日在屯門，出席Timberland活動。古仔透露聖誕節要返天津拍戲：「要返天津拍杜琪峯嘅《毒戰》，工作人員講天氣好凍，我都好想過白色聖誕，之後會去西雙版納拍，應該都會由冬天拍到夏天。」會否擔心觸及腳部舊患，他笑說：「成日都俾人捉痛腳，知道有幾場鬧市追逐嘅戲，打戲就冇。」
此外，有指黃文迪與呂慧儀結婚要女方倒貼，黃文迪說：「錢用得七七八八，要買車買樓，個婚宴要六位數字，係我畀，啲珠寶都係畀錢買，冇贊助，唔會唔開心，最怕佢屋企人以為我食軟飯。」陳茵媺則透露聖誕會有兩份大禮：「細佬喺加拿大返嚟，同埋同男友過第一個聖誕，等細佬識吓佢先。」
採訪、攝影：林嘉慈