娛樂圈喜事多，唔少藝人都爭住做龍年父母，蕭定一嘅老婆都有咗三個月身孕，佢話當得知老婆有喜當日，已經想第一時間公佈，不過未夠三個月怕BB小器。蕭定一家身處外地同老婆旅行，但都透過網上多謝大家嘅祝福：「做父親是我一直的夢想，終於能夠如願以償！」蕭定一話生仔女都咁開心，而預產期係下年6月。