最威：巴塞隆拿
講到最威，當然是新鮮出爐的世冠盃盟主巴塞隆拿。周日世冠盃決賽，巴塞面對南美洲冠軍山度士，原本以為是五五波，怎料該支歐洲霸主一發力，半場已經遙遙領先3球，最終全場贏4:0捧盃。賽後山度士球星尼馬更表示輸得心服口服。
最反覆：馬德里體育會
上周中歐霸，馬體會輕取雷恩3:1，首名出線32強，轉頭回師西甲，竟然主場不敵貝迪斯0:2。貝迪斯先由波祖爾魯打開紀錄，但該名入球功臣隨後紅牌被逐，打多個的馬體會不但沒有趁人多打人少，完場前更被辛達告魯斯入多球，最終輸0:2。
最走運：國際米蘭
國際米蘭最近聯賽3連勝，看似回勇，但如果有留意這幾場比賽，都知道國米前線啞火，場場都贏得驚險。例如周日作客切塞納，全靠中堅蘭奴捷亞的入波，才能小勝1:0；再數之前一場，也是由日本後衞長友佑都一箭定江山，險勝熱拿亞1:0。
最爭氣：柏夫里約真高（熱刺）
柏夫里約真高由狗熊變成英雄，全靠他於61分鐘攻入致勝一球，熱刺以1:0擊敗新特蘭。該名俄羅斯前鋒一直不得領隊哈利列納的歡心，聯賽甚少機會上陣，有傳他將會於明年1月離隊。不過，經此一役，哈利列納賽後大讚柏夫里約真高，並表示轉會窗重開後不會賣人。
精采一刻
「地上最強」加冕！巴塞隆拿（圖）於周日世冠盃決賽技術性擊倒山度士，繼09年後，再次登上世界之巔，成為首次兩奪世冠盃的球隊。美聯社
討論區金句
曼城vs阿仙奴
「今場兩個比利時人（高柏尼、華美倫）都踢得好，替工薩巴列達都踢得好。不過阿仙奴換個比豬腦（佐羅）更唔掂嘅米古爾出嚟，連我支持曼城嘅都唔多明。尹佩斯同阿迪達咁踢法遲早傷，仲有見到家嘅沙皇（艾沙維）真係心淡。」
昆士柏流浪vs曼聯
最近幾場卡域克打得比較之前活躍，唔多唔少都係因為菲爾鍾斯幫佢塞位，所以佢可以唔使太擔憂防務上嘅情況。卡域克知道有隊友包位，打得自然同放啲。」
資料來源：香港討論區