【本報訊】《蘋果》上月底踢爆最上鏡港姐李詩韻代言的秀身文化涉嫌層壓式推銷及捲入賣禁藥風波，近日有讀者指被游說付款加入該公司特許經營，惟支付5萬元投資金及2.8萬元購買秀身文化產品後，開店一事石沉大海，要求退款被拒，疑墮入騙局，已報警求助。
記者：盧勁業
任職文員的王先生，現年30餘歲，他表示於7月時被兩名中學同學游說，一起夾錢開舖，「兩個人都識咗15年，佢哋話做緊兼職幫秀身文化賣產品，又話有30萬就可以攞到特許經營，開到分店，叫我投資5萬，佢哋各夾5萬，而幫秀身文化做市場推廣嘅名滙公司經理陳文傑（Jeff）另外投資15萬，就可以開一間實體店賣產品」。他同意投資，先購買2.8萬元秀身文化產品，再支付5萬元投資金。
「聯絡唔到負責人」
王先生指，怎料將錢存入指定銀行戶口後，兩人均以有經濟困難「縮沙」，他要求退款卻被拒，「我叫Jeff退錢，佢竟然話呢個係我哋三個人嘅問題，要我哋自己解決」。8月尾，Jeff建議他將5萬元投資到秀身文化日本產品專賣店的尖沙嘴分店，「佢話錢就退唔返，可以投資落呢間舖，但係佢唔肯畀啲賬目我睇，盤數都冇我點投資」。
王先生感對方一味拖字訣，至上月《蘋果》報道該公司的經營手法後，要求退回投資金及購買秀身文化產品合共7.8萬元，「11月23日寄email畀名滙，佢哋應承話覆，之後冇晒聲氣，打電話飛晒去留言，但係信箱爆埋，根本聯絡唔到負責人」。
登門理論無果報警
上周六記者陪同王先生到名滙位於佐敦的辦公室理論，該處隔籬是李詩韻開設的巧容化妝學校。接待處職員表示周六無人辦公，並要求王離開。記者即表明身份，職員隨即聯絡上自稱名滙行政主任的Maggie，她表示安排退款，惟時間及金額無可奉告，王先生隨即到尖沙嘴警署報案。昨天截稿前記者再致電名滙，該公司表示仍在處理中。
記者查看王先生兩張銀行入數紙，戶口的持有公司為JAT（HK）LTD。根據查冊紀錄，即為匯川（香港）有限公司，此公司持有七成秀身文化股份，及與李詩韻合資開設巧容化妝學校，可見幾間公司關係千絲萬縷。