「大花面」都曾經紅過，雖然佢一早結咗婚，但好男人形象反而令佢吸納唔少師奶粉絲。但呢個世界真係花冇百日紅，大花面幾年前學人偷食，搭上咗「索爆」，佢哋一齊時都已經唔俾人睇好，聽講當時件事爆咗出嚟後，個個狂插索爆，差啲前程盡毀。但實情索爆都好慘，因為被人騙情之餘，仲俾人呃埋錢，真係人財兩失。關仁收到料，話其實索爆份人一向唔鍾意使男人錢，拍拖時候仲借過筆錢畀大花面投資，分手後當然冇得剩，之後仲要俾人周圍唱係姣精，認真唔抵。家大花面都係食緊軟飯，因為佢個朵喺呢行臭晒，好彩又畀佢搵到個有錢女，有得黐食黐住，生活總算唔使憂。
撰文：關仁