「地上最強」巴塞隆拿,星期日4球大炒山度士,奪得世界冠軍球會盃。巴塞球員梗係開心啦,而中堅碧基雖然喺56分鐘就被換出,但係心情都勁靚。只因佢女友、哥倫比亞歌手Shakira(圖)都有到場睇波,仲好大方咁將自己嘅素顏照擺上twiiter。巴塞贏咗波之後,佢即時放咗多張相喺twitter,仲話:「勝利係我哋嘅!」碧基有個咁支持佢嘅好女友,隊波又踢咩贏咩,真係名副其實嘅事業愛情兩得意。