巴塞前鋒韋拿（圖）首次踢世冠盃就斷腳，醫腳要緊嘅佢已返咗西班牙，今日接受手術。少咗個射手，教練哥迪奧拿被問到會唔會喺1月買前鋒時，拒絕回應；球會技術總監蘇比沙列特就話未必需要買人，因為大把貨：「對於韋拿嘅替補，我哋會先睇青訓球員同家陣中副選可唔可以頂上，我哋深信班後生仔已經做足準備。」