拿玻里一對南美球星身邊嘅人，先後喺意大利拿不勒斯俾人持械行劫。繼阿根廷前鋒拿維斯嘅女友尤妮達中招，俾人劫走名錶後，烏拉圭前鋒卡雲尼（圖）嘅經理人亦揩嘢，日前俾兩個蒙面持械劫匪搶走名錶同銀包。拿不勒斯治安咁差，好難令拿維斯同卡雲尼安心踢波，唔通班賊人想逼走佢哋先安樂？對卡雲尼有興趣嘅曼城，睇到呢單新聞仲唔笑晒咩！