會計師公會理事會上星期五改選，連政府委任嘅業外成員都換人，恒生銀行（011）執行董事馮孝忠做咗公會理事會成員，任期兩年。被換出嘅係思捷（330）前副主席兼財務總監潘祖明（John）。
財滙局責任重大
雖然思捷股價之前唔係咁生性，但華華覺得，思捷真係一間好公司。皆因打完佢哋份工，已經可以唔使再做。好似跳船跳得最快嘅阿John，08年走人到家，華華都冇聽過佢搵番份正職撈吓，50幾歲人已經半退休，喺思捷搵埋夠嘆世界。
雖然冇喺會計師公會，但John另有要職，上周三政府公佈委任佢做財務滙報局業外成員，為期3年。財務滙報局「負責調查香港上市公司的審計不當行為和會計違規」。嘩！責任重大，John喺呢方面擁有豐富專業知識，一定可以做好呢份工。