集資數十萬元投入一項無人做過的新行業，陳太坦言，她們三名中年女子只是膽粗粗去試，無預算何時能回本或賺錢，但承認中年再創業，主要是看準行李寄存服務毋須倚靠人手，易於管理，亦不容易受騙，「部機唔畀錢就唔會開門，就算入假銀紙入去，最多咪損失20蚊」。
無預計何時回本
陳太透露，她們三人本身都做小生意，奈何現時生意難做，才想另找出路。她直言，做行李寄存服務，優勝之處是自動化，「酒樓我就唔做喇，咁多人要管理，咁複雜，就算係做7-11，都擔心啲人會出蠱惑呃錢啦」。她說不怕人抄橋：「要人流多嘅地方，租一定貴，租平嘅又人流唔夠，呢啲每個行業都會面對㗎喇！」雖然投資不少，但她說拍檔都無預計何時回本，指要看天時地利人和，而且看到客人放低行李換來一身輕鬆，她亦覺不只賺到錢，還賺到一份幫助人的滿足和快樂。
《蘋果》記者