iPhone4S出咗成個幾月，排隊不成都算，連上網訂貨都好似六合彩攪珠咁，凄凉過等運到。好彩踏入12月，呢次Apple識做喇！每星期差唔多有兩日，就畀大家喺網上訂購，唔使好似早排要買隻《又有得賣喇》App，實個網鬥快秒殺；而且，呢次送貨速度好快，三幾日就到手，趕得切喺聖誕節前玩到！雖然限制每人兩部，不過對我呢類小用家嚟講，已經心滿意足啦！