新特蘭嘅丹麥前鋒賓特拿（圖）向來自大，成日自以為好波又靚仔兼有品味，真係好難信佢會認低威。賓特拿最近負面新聞多多，先係食霸王pizza，之後同黑貓隊友卡達莫疑因飲大兩杯而毀壞他人車輛；日前賓特拿就自己嘅惡行發公開聲明，同朋友、球迷、新特蘭同屋企人道歉。佢肯認低威，證明佢知道做錯事，希望佢唔會得個講字，真係學識控制自己啦！