曼聯每年都會搞聖誕話劇，由一班青年軍自編自導自演，娛樂一班職球員。而今年一班細路就明寸朗尼植髮；上周五劇中有個演員着住件朗尼波衫，戴個史力加頭套，仲要加多個勁厚嘅假髮，話植髮改善咗一切。不過朗尼睇到冇嬲之餘，仲同一班隊友笑到停唔到。另外有報道指有唔少曼聯球員，希望上季之後掛咗靴嘅史高斯可以復出應急。唔通聽到費Sir仲係堅持唔買人，冇計到要行呢一步？